Səyahətə çıxan hər bir kəs, getdiyi bölgənin milli ləzzətlərini dadmaq istəyir. Səfər etdiyiniz ölkədə oranın dünya mətbəxləri ilə tanış olmaq, özünüzü həmin ölkənin bir hissəsi kimi hiss etməyə kömək edəcək. Mədəniyyətlərinə daha yaxın hiss etməklə bərabər, damaq zövqünüzü də genişləndirəcəksiniz. Bəlkə də, “həyatınızın ən ləzzətli yeməyi”ni həmin yerdə tapacaqsınız. Bu yazımızda sizə dünya mətbəxləri arasında fərqli mətbəxlərdən ləziz yeməklər haqqında danışacağıq.
İtalyan mətbəxi: Sadəlik və gözəllik
İtalyan mətbəxindən bəzi təamlar artıq bizim mətbəximizdə də məşhurdur. Pizza, spagetti və makaronlarla tanınan İtaliyada bu yeməklərin dadına baxmağınız vacibdir. Florensiyada fiorentina biftek, Romada carbonara makaronu, Napolidə isə ləzzətli margarita pizzası sizi valeh edəcək.
Yapon mətbəxi: Sağlamlıq və zəriflik
Son illər Asiya mətbəxi ölkəmizdə də populyarlaşmışdır. Əgər Yaponiyaya səyahət etsəniz, Tokioda sashimi və təzə suşinin dadına baxın. Osakada okonomiyaki, Kiotoda isə kaiseki yemədən dönməyin.
Türk mətbəxi: Tarixdən gələn dadlar
Türk mətbəxi, dünya mətbəxləri arasında xüsusi yer tutur. İstanbulda dürüm kababı, Gaziantepdə baklava və İzmirdə boyoz yeməkləri sizə unudulmaz təcrübə bəxş edəcək.
Meksika mətbəxi: Ədviyyat və rəngarənglilik
Meksika ədviyyatlı və rəngarəng yeməkləri ilə tanınır. Mexikoda taco al pastor, Oaxacada mole sousu və Yucatanda cochinita pibili mütləq sınayın.
Fransız mətbəxi: Zəriflik və əzəmət
Fransada kruasanlar, pendirlər və şərablar ənənəvi təamlar arasındadır. Lyona səyahət edərkən fransız aşpazlarının incəsənət nümunəsi olan yeməkləri dadmağınızı tövsiyə edirik.
Hindistan mətbəxi: Ədviyyatların sehri
Hindistan mətbəxi də dünya mətbəxləri arasında öz yerini tutan ədviyyatlarla zəngindir. Dehlidə butter chicken, Çennayda masala dosa və Mumbayda pav bhaji yeməklərini sınayın.
Səyahətlərinizi planlayarkən milli mətbəxləri dadmaqla unudulmaz təcrübələr qazanın. Dünya mətbəxləri ilə səyahətiniz daha maraqlı olacaq.
Tailand mətbəxi: Şirin, turş və ədviyyatın ünvanı
Tailand tom yum, pad thai və mango sticky rice ilə məşhurdur. Əgər səyahətiniz Bankokadırsa küçə yeməklərindən pad thai, Chiang Maiyədirsə khao soi, Phuketədirsə isə təbii dəniz məhsullarını sınaqdan keçirə bilərsiniz.
Çin mətbəxi: Sonsuz çeşidlər
Çin mətbəxi deyərkən bəzi insanlar ağız büzə bilər. Əslində isə Çin mətbəxi insanlara geniş çeşiddə təamlar təqdim edir. Yəni damaq dadınıza uyğun yemək mütləq tapacaqsınız. Pekinə gedərkən Pekin ördəyi, Şanxayda xiaolongbao və Siçuanda hotpot yeyə bilərsiniz.
Səyahətlərdə yemək məsləhətləri
Yerli camaatdan yeməklər barədə məlumat ala bilərsiniz. Onlar sizə ən təmiz, ən dadlı və turistlərin ən çox yemək yediyi restoranları və yeməkləri məsləhət görəcəklər.
Küçə yeməklərini sınamaqdan çəkinməyin. Ancaq təmiz olduğuna da diqqət edin. Ənənəvi küçə yeməkləri ölkələrdə mədəniyyətin əsl dadını təmsil edir.
Getdiyiniz ölkənin mətbəxini daha yaxından öyrənmək üçün dadmaqla bərabər onların hazırlanma qaydasını da öyrənə bilərsiniz.
Yeni dadları təcrübə etməkdən çəkinməyin. Bəzən yeməklərin görünüşü və ya qoxusu xoşunuza gəlməyə bilər. Ancaq bəlkə də həmin yemək sizin ən çox sevdiyiniz təamlar arasında yer alacaq.
Səyahətinizi planlayarkən milli mətbəxlərdən dadmağı unutmamaq üçün onu da planlayın. Bu sizə zəngin və unudulmaz təcrübələr qazandıracaq.
Xoş səyahətlər! 🥰
